Manau, daugelis sutiks, ka pinigā visada bova i yra subtili tema, api katrōn nejauku kalbieti, bet nuorās kou daugiau turieti. O pradiejus šnekieti fakts, ka patikimiausiu paslapčiū api anus neišdousi.
Ši Morgan Housel knyga ne išimtis.
Kuo tikiejaus iš knygas.
Iš aprašyma tikiejaus ka pasakuos api pinigū srautus, sistemas, kap gāli anus įdarbinti. Kor gāli įdarbynti pinigus mes jau visi išmuokom studiju metu, per finansu paskaitas. Tačiau nėi per paskaitas, nėi gyvenima praktikuo nieks neaiškėna pirmū žingsniu kāp pradieti investuoti. Ton tikiejaus rāsti šiuo knyguo, bet gavau žėnoma teuorija, be jokiū praktiniu įvadu.
Tai api kon ta knyga?
Knyguo pasakuojamas žimiū žmoniū finansu istuorijas skaituos iduome. Teksti pateik faktus, katrėi papėlda vėsa siužeta linija, skaitytojou iduomu stebieti dāruomus finansinius sprindimus. Aprašuoma 19 istuoriju, iš katrū gali pasimuokyti. Tik klausėms kuo?
Kap išmuokti elgtėis su pinigās? Vargu, nes labiau apraša žmogaus priimtū sprendimu pasekmis. Kap investouti i kuokis rizikas prisiimti? Nevisai… Nors investavims užēm didžiaja knygas dali, bet veiksmas vykst jau nemažā pažėngus tami. Tai ,,žaliām” skaitytojou iš tuo nauduos mažā.
Apiemi dvejuopi jausmā.
Perskaičius knyga apjēm dvejuopi jausmā: knyga tikrā iduomę skaituos, tačiau iš anuos nelabā kon naudynga pasisiemiau. Kuo pasekuo ne iki gāla suprontu už kon ana yr bestseleris. Nesigynčiju, atpasakuotu įvykiū įžvalgas vērtas citātu, bet atpasakuoti visi mes sugebām draugāms savaitgalia nuotykius, tik už ton dā negavuom bestseleria statulėlis.
Knyga tiku patiks skaitytojou, katras miegst turtingu žmoniū istuorijas, arba nebova artimiau susipažėnis su finansiniu raštingumu. Skaityses lingvā, be specifiniu finansiniu terminū.
Leidėjas: leidykla ,,Kita perspektyva”
Leidimo metai: 2022
Puslapiai: 264
