Viskas apie psichologiją

Praktinis vadovas

Nesu baigusi psicholuogijas muokslu, katrėi padietu laisvā komunikuoti api šion tema, bet domous nu pat paauglystis. Esu mėgieja, katron viliuo žmogaus visuma, o vėsas gautas žėnis yr iš knygu. Pastarāsis žinias, susijusias su saviugda a dalykini psicholuogijas medžiaga, krimtau kap siemkas pri daugiabučia laiptinis. Labā apsidžiaugiau kap muni pasėiki knyga, katruo visa reikiama informacija api psicholuogija, yr vėinuo vėituo.

Kas sudāra knyga?

Enciklopedija tor keturis didelius skyrius, katrūs aptār kas yr psicholuogija, kokėi būn sutrikimā, terapijas šakas i kāp psicholuogija pritaikuoma realiam gyvenimi. Nesuklysu sakydama, ka paskutinis skyrius aktualiausis daugumā. Juk teuorija visada liks teuorija, jei mes nesugebiesēm anuos pritaikyti praktiškā, realiam pasauly.

Praktinis vaduovs nustebina ne tik gausiu informacijas dydžiu, bet i išsamēs piešinēs, nuotraukuom, diagramuom, bei linteliem. Kap atvertusi pamačiau kėik viskuo prirašyta i pripiešta pagalvuojau: vo či tai muona Disneilends! Klajuojau aš užchipnotizuota puslapēs, kap linksmasēs kalnelēs i nieka daugiau nenoriejau.

A žmuogou enciklopedijas naudyngas?

Pamenu iš vaikystis, kāp nuvažiavusi pas krikšta kūmas matydavau lintynas pėlnas enciklopediju. Nedrasi pasiimdavau kuoki vėina i vartydavau, ganydama akis per paveikslielius. Vėliau išmuokusi skaityti, jau galiejau suprāsti api kon yr piešinukā. Tai prisiminėms, katron ši knyga munėi atgamėna.

Su šiou prisiminimu suvokiau, ka enciklopedijas yr ypač svarbis žmogaus gyvenimi jau nu mažū dėinū. Tai knygas, katruos leid pažynti pasauli katram mes gyvenām per gražis iliustrācijas, nenubuodu teksta. Ši knyga yr pėlna naudingas informacijas, bet vertont puslapius i skaitont, tas įsimēn ne kap sausa medžiaga. Tai yr be gāla naudinga, kap esi jauns i nuori viskon pažinti per žaidėma fuorma.

Kam siūlau šion praktini vaduova?

Pagalvuojusi, kam noriečiau rekomenduoti  sveikātas enciklopedija, pėrma myntis šuovusi į galva – visym! Juk tai knyga perpildyta faktu api mumis pačius, tai kas mums pāded kasdėinuo jaustėis geriau. I anuos nereik skaityti visuos iš karta. Užtenk, jei kikvėina a bin kas ontra vākara atsiverstumiem po skyriu priš mėiga. Užvertus paskutini puslapi, būsem išsamē susipažinėn su psicholuogija.