Mėsinėjimo amatas

Autorė Lindsey Fitzharris

Paskutiniem dėinuom tik i gėrdu aplink savi, kāp visi nepatėnkynti Lietuvuos medicina. Daugelis šūkau bornas pravierėn kap gervis: nieks anū nebegyda, visi daktarā ,,išpizdieja’’ i tujau potencialūs paciėntā numėrs.

Kaži kon giesmininkā sugėidoutu perskaitėn šion knyga i pamatėn kuoki medicina bova priš kelis omžius. Noriečiau aš anus nukelti į knyguo aprašyta laikuotarpi. Iduomu būtu išgėrsti kon tada sakytu, nes panašu, ka net nespietu pasiskūsti. Mėrtinas lėgas tep greit poldava liguoninies, ka tometinē žmuonis bijuodava patekti į anas, kap ka bėja velns švėntynta vundens.

Kuoki bova medicinas pradžia?

XIX omžius medicinā bova revoliucinis. Pradžia atruodi brutali, netvarkynga i pėlna nežiniuos. Nors tuo mēta vadinamėjē chirūrgā teigi, ka žėna kap operouti, bet tiesa bova daug toliau. Autuori vaizdžē pavaizdou daktarū pasimetėma i įsivaizdavima kap tor vykti gydėms.

 Nu visiškuos higienas nebuvėma, chirurgija sugebieja pereiti į dalini dezinfekāvima. Kap šiuom dėinuom daug kas priešinās naujuoviem, tep i tada, bova aktyvē kovuojončiu priš švėisiesni rytuoju. Džiugu, ka atsirāda daktarū, katrėi ėiškuoja mirtingoma priežaščiū i pradieja keistėis nu įronkiu i ronku dezinfekāvima. Knyguo tas pavaizdouta kap didžiausis atradėms, nes tai i bova didžiulis atradėms.

Paslapynguoji medicina.

Medicinas pasaulis dažnā šalia sāvis nešās paslapčiū šyda. Visym iduomē kap vykst operacijas, kuokia stebukla dieka mes pasveikstām. O tas stebuklas – muokslas. Ši knyga, būtent i leid pamatyti ton muoksla stebukla, kap dėina po dėinuos medicina evoliucionāva. Vis daugiau perskaičius knygas, paslaptyngs šyds po biški pradieja krėsti, daries aiškiau kap bovis mirtingoms stiprē sumažieja.

Knyga įtraukonti sāva turiniu. Stebont tuometinis medicinas aktualijas i problemas sukėla didelis smalsoms, katras beskaitont bova patėnkynts. Skaityma patyrti pagyvina aprašytas vaizdyngas scenas, smolkis detālis. Tačiau jokiū sunkē iškentamū, šiorpa kelončiū atvaizdavimu nebova. Knyga saugi skaityti visym.