Ne karta esu girdiejus, ka žmoniū minia valdyti yr daug lingviau, nėi pavieni āsmeni. I tai ne mels, o gryniausi teisybi! Pažiūriek, net aviū bonda lingviau klausa kap būn vėsas šalimas, o ne po vėina išsibarsčiusias. Nesinuor žmonių lyginti su avim, bet visi esām gyvūnā šiuo žemie i turem panašius elgesia muodelius.
Api kon rāša autuorius?
Žmuonis susibūrėn į vėina vėita greit perjām tvyrončia nuotaika i visi ana užsykret. Prāded galvuoti i elgtėis kap šalimās stuovyntis. Nebelėikt individualybis tarp žmoniū, egzistou tik vėina visuma. Tokiam būvy, visus gali valdyti kap vėina. Žmuogus sužvėrie, dyngst atsakomybis jausmas, o su tuo padidie inkstynkts veikti. Dėl tuo daugelis eitynių baigās riaušiem, jei tik suerzėn aplinkinē faktorē.
Gustave Le Bon šiuo knyguo aiškėn kāp vykst miniū susikūrėms. Prāded nu miniū rušiū, vėliau keliau pri anū susikurėma, kuo reik ka gyvuotu i paklostu būti valduoma. Aiškėn kokėi psicholuoginē procesā veik žmonym būnont tarp gausybis tep pat mastončiu. Pasiruoda, ka miniuo esontis asmenybis stipre susitapatėn tėik mąstymu, tėik elgesiu.
Autuorius aprāša reikiamas savybis, katruos pāded valdyti didelis mines. Turynt pateiktas savybis gali tāpti lyderiu, katrou tikies i klausys šimtā žmonių. Žinont i turynt visas reikiamas valdyma priemonis gali padaryti daug nauduos, bet tou pačiu i stipriuos žaluos aplinkā. Visa esmie, kuokiu tikslu bus minia valduoma.
Kudie sunkē įsijaučiau į knyga?
Knyga informatyvi, lingvā suprontama, tačiau muon asmeniškā sūnkē ejuos pritaikyti šiuom dėinuom. I nieka či keista, kap pėrms leidėms bova išspauzdynts 1898 metās. Nu tū laikū tėik politine žaidimā jau yra kitam lygy, tėik kāra klausimā vykduomi pasitelkus technoluogijas. Palyginus su autuoriaus laikās, mes gyvenam kitam pasauly, kor žmuonis veik visai kėtas pašalėnis jiegas.
Aišku, pagrindinē valdyma pryncipā išlėikt tėi patys, tik anū pritaikėms jau visai kits. Knyguo pritaikyma pavyzdžē duodami iš aštuoniuolikta omžiaus, kas sunkē leida įsijausti į situacijas, katruos dabā neveiktu visai. Tad belėka tik pače viskon prisitaikyti.
Leidėjas: leidykla ,,Vaga”
Leidimo metai: 2021
Puslapiai: 200
