Thomas Hardy ,,Tesė iš d’Erbervilių giminės”

Visās laikās meili bova, yr i bus aktualiausi žmogaus tema. Ka i kāp karts norietous su tou kariauti, bet tiesa lėikt tuoki. Su ana susipažystām jau gan unkstyvām omžiou. Per jaunystis metus iškentām visas anuos spalvas, o suaugus suvuokām, ka tik vėinetām pasysek rasti laimi anuo.

Ši, Thoma Hardžiaus knyga būtent api ton siekmi i kalb sāva teksti. Paauglystie svajuojus api laimynga, neišdėlduoma meili, dalē mūsų suaugus tenk suvuokti, ka ne visym nusišypsa šansas būti tauriuo meilie. Tesė iš d’Erberviliu giminies yr poikus tuo įruodėms.

Api kon rāša Thomas Hardy?

Pagrindėni knygas veikieja Tesė bova vyriausi dukra šeimuo. Tarp visū pareigū spiedava pabūti i su draugiem, katruos anon mylieja už anuos dėdeli šyrdi. Nespiejus pilna subrėsti, Tesė gāva išvykti ėiškuoti darba, ka padieti financiškā tėvams. Deje, šiuo keliuoni su meilis užuomazga susipažėna iš skaudžiuos posis. Kol tėvā bova užsiiemėn alkohuoliu, nebova laika anuos supažyndinti su gyvenimu.

Po skaudaus įvykia savi vis bauzdava skaudžiuom mintym, o gyvenima sprindimus priimdava savėi kou nepalunkesnius. Išėjus iš tėvū su visām, jauna muoteris, klajuoja po svieta ėiškuodama pragyvenima šaltinia. Radusi užuovėja gerū žmoniū fermuo, viel sutėka galimybi pamėlti.

A likėms doud šansa patėrti meili iki mirtėis?

Tesė nesitikieja kada gyvenimi pamėlti, o jei tep įvyktu, savi spaustu biegdama nu anuos. Tačiau likėms dāvi vyra, katras nepasydavi anuos atšiaurumou. Po sunkiū įkalbiniejimu pagaliau įvyka meilis švėnti, tik džiaugsmas či troka ne ilgā.

Panašu, ka pagrindėni veikieja bova gėmusi kintieti. Pati sau neleisdama būti laimynga vis suteikdava galimybi i šalimās esamym anon skriausti. Tačiau net baisiausē skiaudžiama, muoteris mylieja vėina vėnynteli sāva vyra, dėl katruo net padieja galva. Tesė gāva šansa mylieti iki mirtėis, tačiau ta mėrtis atėja per unkstėi į anuos gyvenima.

Kuoks istuorijas morāls?

Knyga pėlna nuora būti mylimām, tačiau gyvenima persmerkta būti skausmi i kančiuo. Istuorija paruod, ka i kuoks gali gers būti žmuogus, da nereišk ka pasiseks rasti santykius, kor gali jaustėis saugus i mylėms, jei savis nemyliesi pakankamā.

Likėms visada padoud ton, kon atsinešē išmuokti šiam gyvenimi. Tik išmuokus sava pamuokas, gali pakeisti ton likėma i pašalynti kančia iš meilis.