PSICHOSOMATINĖ MEDICINA

Franz Alexander

Mes visi nuorām turieti kou gerēsni sveikāta. Dėl tuo atiduodām ne tik visus sāva pinigus, bet i daug laika stėngdamies palaikyti anuos gēra balānsa. Tik daugelis daruom klaida galvuodami, ka sveikātas problemas atsirond vėin dėl fiziniu negalāvimu. Kuoki yr tiesa sužinuosēm perskaitėm šion Franza knyga.

Įvads į knyga.

Knygas autuorius yr psichosomatinis medicinas pradinynks, pradiejis sāva darba 1924 metās. Nagrinieja psicholuogini ryši i įtaka žmogaus kūnou, kuoki dāra puoveiki i pri kokiū ligū gāli privēsti mūsu organizma. Nors daugelis žmoniū ignorou šion fākta, tačiau matuom, ka ši tema jau sena, sėikonti šymta metu, o šiuom dėinuom ypač turietu būti aktuali.

Kap teigi pasichoanalitiks, mūsu ligas i kūna veikluos sutrikimus įtakuo ne tik vaikystie patėrtas traumas, tuokis kap atstumėms kudikystie a nuvertinėms unkstyvuo vaikystie, bet i stresa patirėms kikvėina dėina. Mūsu kūns, pasak autoriaus, tor gilu gaboma įsimynti viskon kas mums įvykst emuociniam ligmeny, dėl tuo lėgas dažnu atveju pasireišk iš emuocinia sutrikėma.

Kon rāsi tarp puslapiu?

Knyga išsami sāva informatyvumu, kor autuorius pradžiuo įved į pasichosomātija: kāp ana atsirāda, kuokia įtaka dāra medicinā i kāp anon pritaika praktiškā. Tai muokslas, katras prasidieja daug mētu atgāl i iki šiū dėinū stiprē išplėta. O nuorintyms praktiniu žiniū, visa ontra knygas dalis dedikuota įvairiuom liguom. Daugelis fiziniu kūna sutrikimu paaiškinami per emuocines traumas i nepilnavertiškoma. Anas išsprendus dažnu atveju dyngst i fizinia kūna problemas.

Nors knyga pėlna informacijas i tyrimu išaiškinimu, skaityti bova gan sudėtynga. Autorius yr muoksla žmuogus, dėl to knyga rašyta kap muokslinis veikāls, pėlns specifiniu terminū i sāvuoku. Tas apsūnkėn skaityma, nes tuoki literatūra būn dažnu atveju sausa. Ši ne išimtis, dėl tuo knyga skaities lėta, tačiau palėka naujū žiniū galvuo.

Knygas apibendrinėms.

Ka i kuoki sausa i konkreti knyga, bet žiniū netrūkst. Skaičiau anon, nes noriejau labiau suvuokti kėik įtakas muona emuocijas i patėrtas traumas tor kūna liguom. Aišku, skaitont turiejau tuoki puojuti, ka šē dėinā pateikta informacija jau yra paliesta laika, o dabartinē muokslininkā pateiktu viskon daug išsamiau, tačiau pagrynds lėikt tas pats, nes daugelis ligū yr išlėkusias.

Jei jauti nuora gilintėis į šion tema i planouji skaityti Franz Alexander knyga, nusiteik lėtām skaitymou, kor galimā reiks atsiversti i žodyna, katras aiškėn medicininis sāvuokas. Tai nier lengva skaityma knyga, bet manau, ka šiami gyvenima tėmpi, labā reikalinga kikveinām.