PAKILIMAS

Melinda Gates

Gyvenām XXI omžiou, bet feminizmas vis tebier daugeliou pašaipuos objektu iš katruo, kap bebūtu nekeista, joukās vyrā. Neteisu besijoukončiu, nes suprontu, ka anėi vargu a iki gāla suvuoks šiuos savuokas reikšmi, kap veiksmas vykst ne anū kėimi. Juk ni vėins negalvuojām api kaimyna problema, kol ta problema nepasėik tāvuoja rubežiaus.

Kou feminizmas svarbus?

Melinda Gates turieja santuoka, katruo partnerysti bova pagrindinis ingredients, tačiau tvirtā kovuoja už muoteru teisis, kor anuos yr visiškā atymtas. Feminizmas nereišk ka vyrā bluogi, atimām iš anū visas teisi i perduodām muoterym. Sąvuoka kalba pi partnerysti, lygias teisis į bālsa, sprindėma priėmėma, sāva nuomonis išreiškėma. Galiejima gauti tas pačias sąlygas, kap ka gaun vyrā.

Autuori ton stiprē pabrieždava kikvėinam knygas skyriou, nes aprašyti atvejē bova visišks muoters, kap žmogaus, nuvertinėms. Knyguo pasakuojama api nauda įgalinus muoters teisi, kėik daug tas gali atnēšti ne tik šeimā, bet i ekonuomikā pasaulia lygmeniu. Muoters galimybi į muoksla, darba i sāva kūna, gali atnešti nenugynčijamu pasėikimu visām veiklejām pasauly.

Kor yr didžiausi problema?

Knygas autuori nerāša api pažėngusi pasauli, kor muoterys jau gan neblogā yr pasėikusias lygiavertiškoma. Pasakuojimu veiksmas vykst trēčia pasaulia šalys, kor tikiejėms i skords nugalėn muoteris. Neturtinguos šalys – daugiausia galiuo patriarchats, katras pasitelkis tradicijas i tikiejima vis dar stiprē ribuo muoteru judiejima.  

Negaliedamas muoteris priimti sprindimus net dėl sāva kūna, netor teisis svajuoti api muoksla, darba, šeimuos planavima, o kon jau bekalbieti api paprastuos nuomonis išreiškėma. Daugiausē pasauly neapmuokama darba dėrb  muoterys skorda aplinkuo, kor anuos yr pastatuomas į numū vergis pareigas: gymda, augėn vākus i nudėrb visus numū ūkia darbus. Tuos muoterys ne tik ka bėja pakelti galvas i pažiūrieti kitym į akis, bet i pasakyti žuodi yr sunki misija.

Kon pakeistu lygias teisis?

Melinda api atnešama nauda visās aspektās dėl ligiū teisiu kalb ko ne kikvėinam puslapy. Tai anuos visuos veikluos tėkslas – įgalinti muoteru ligybi. Radus bėndra kalba su genčiū, skurdžiū šeimū, kaimieliu vyrās yr galimybi suteikti mergaitiems muoksla, kuo pasekuo anuo gavusias išsilavinima turietu galimybi dėrbti i planouti šeimuos pagausiejima. Tai atneštu mažiesni skorda plitėma.

Kap aiškėn autuori, dėrbonti muoteris tor galimybi užsidėrbti i išlaikyti savi i vaikus. Pagaliau kontraceptikā pasidāra įperkami i mažiesnis gimdimu skaičius ne tik ka išgelbie muoteru gyvybi, bet i mažėn skorstončiu vakū skaičiu. Muoteris, trečiuos pasaulia šalys, galiedama priimti sprindimus tiesiuoge prisidietu pri skorda mažinima i dārba rynkas didinima.

Feministini knyga ne tik muoteryms?

Skaitont knyga atėja myntis, ka labiausē norietous jog vyrā anon perskaitytu. Mes, muoteris, gi žinuom kon patėr mūsu lytis visam pasauly. Suprontam patriarchāta stiproma net šiuom dėinuom išsivysčiusiam pasauly, o kon jau kalbieti api mažiau pasėikusias šalis. Mūsu akis greit pagaun skėtrumus tarp ličiū, nes mus labiausē paliet neligybi.   

Iš dalėis suprontu, kudie vyrā ne iki gāla supront ligiū teisiu svarboma, bet tas nepateisėn anū priešiškoma. Su šiou suvokimu i lynku daugiau vyru perskaityti tuokias knygas kap ši tam, ka prapliestu sāvaji suvokėma, pamatyti vaizda ne tik iš asmeninia kėima.

Perskaičius šion knyga, muoteryms lynku pasauly turieti daugiau tokiū altruisčiu kap Melinda Gates. Ši muoteris stiprē prisidieja pri tūkstončiu muoteru geruovis, o tas keit visū mūsu pasauli. Pradiejus vėins kėta vertinti lygē, mes galēm nudėrbti daug daugiau per trumpiesni laika. Api ton ši knyga i kalb.