,,Kodėl niekas man to nepasakė ankščiau?”

Gyvenėms susyded iš ciklu. Visks tor prādža i pābaiga. Ne išimtis i psicholuogini būsena. Kol esām pakilimi, atruoda pasaulis mums po kuojom. Bet anām persikielus i dogna, apēm bejėgystis i neviltėis jausmas.

Iš kažkor, žmogaus evoliucijuo, yr atsiradusi baimi jaustėis blogā. Net minkiausis liūdesys vert mumis biegti i pasinērti į malonoma teikiamas veiklas, užguožti esama jausma, ka anuo net nebūtu. Bet či tik laikėns sprendėms. Nuorint išsprėsti problema, turēm išbūti jausmi.

Trumpā api autuori.

Klinikėni psichuologi Julie Smith yr bestseleria autuori i socialiniu tiklū kurieja. 2019 metās baigusi psichuologis prāktika, pradieja korti i dalyntėis surynkta informacija per darba metus, api psicholuogini žmogaus sveikāta. Julie socialiniūs tiklūs yr sekama daugiau nei 7 milijuonu žmoniū.

2022 metās išleida sava pėrma knyga ,,Kodėl niekas man to nepasakė ankščiau?“. Nieka nelaukėn dabā apžvelkēm anuos šion knyga, katra išleista iškart tāpa bestseleriu.

Api kon rāša autuori?

Dr. Julie Smith knyguo diemesi sutelk į žmogaus būvėma liūdnu. Kol visi esam pratėn biegti nu liūdesia, autuori paruoda, ka nuolat jaustėis laimingu yr nerealu. Spaudont savi į kraštutinoma, tik dā labiau apsunkinam sāva psicholuogini padieti.

Nedavėn sau leidėma liūdieti i neišbovus su jausmās, yr tikimybi atsidorti depresinie būsenuo, kor net būvėms ved į nevilti. Kon jau šnekieti api kasdėinini pilnavērti funkcionāvima… Tai sunkiausi žmogaus psicholuogini būsena, bet žinont kap su ana bindrauti, gali pakėlti. Autuori šiuo knyguo daug diemesia skėr įrunkiams išbūti depresijuo.

Natūralu jaustėis blogā.

Paprastā, praktinēs patarimās, autuori paruoda, ka būvėms skausmi yr natūrali emuocinia cėkla dalis. Nu anuo nepabiegsi, bet užtad, gali išmuokti kou komfortabiliau išbūti. Per sāva pažinėma i praktika, kikvėina joudesni dėina gali tapti negozdinonti.

Kaip knyguo raša, tep pat svarbus yr aplinkiniu elgesys. Daugelis nežinuom kon pasakyti šalimās kėntončiam draugou. Kāp palaikyti už ronkas, kol uns megėn nenuskėsti joudā šaltam vundiny. Nuoras gousti i douti problemas sprindėma būdus.

Pasak Dr. Julie Smith, liūdynčiou a nu depresijas kamuojamām artimājam, neturem douti paguodas a problemas sprendėma įronkiu. Mūsu darbs yra būti šalimās. O kap būti, sužinuoset būtent šiuos knygas skyriūs.

Svarbiausi knygas dalis i kam ana skėrta.

Muona nuomoni svarbiausia knygas dalis – kap palaikyti kėta žmuogu emuociniam kritimi. Tai be gāla jautri tema, nes daugelis nežėna kap priimti kėta depresyvi nuotaika, kap elgtėis a nesielgti. Po šiuos knygas tiku, ka daugeliou ta tema kėls mažiau klausimų.

Emuocini sveikata tuoki pat svarbi kāp i fizini. Ana reik rūpintėis i sauguoti, nes savaimi nieks neivyks. Ši knyga pats tas nuorintyms rūpintėis sāva psicholuogini sveikata, bet nežinontyms nu kuo pradieti . Tai praktinis vaduovs, tėik sau pačiam, tėik kitām, katras suteik informacija nu pat pirmų žyngsniu.