Skaitont šion knyga, sukėla dvejuopi jausmā. Užvertus paskutini knygas lāpa, bova sunku atskėrti vėina jausma api knyga. Vis kėla vidėni kuova tarp užuojautas, palaikyma i pykčia unt istuorijas pasakuotojas. Pamėgynsu viskon nupasakuoti paeiliou.
Knygas aprašas nuvyli…
Knygas āprašas žad sukrėtonti istuorija api gyvēnima nuskriausta mergaiti. Pėrmi puslapē ton i doud, knygas veikieja gėmusi dykumuo sūgeb pabiegti nu medžiuotoja tieva, katras žėna kap sekti piecakus dykumuo. Pabiegusi iš dikumuos sāva kely sutėka vyrus, nuorinčius ana pasinauduoti, giminaičius, katrėi ėiška nauduos iš anuos i žmuonis, katrėi priiemi anon užsidėrbti, lėipdami vergauti. Ši dvylikas mētu mergaiti, tikrā tor drasuos savy, bet klausėms kėik pasaulis realāe bova priš anon, o kėik ana anon tuoki mati.
Kuova už išgyvenima.
Pavykus pabiegti nu tieva, prasidieja tėkras i nelėngvs gyvenėms. Mergaiti ne tik pragara iškėnti sāva šeimuo, katruo turieja per skausma tapri muoterim, nes papročē tuo reikalau, bet i pabiegus nu anuos. Gyvena kultūruo, katruo muoteris nier gerbtėns sutverėms. Tad vėinā meginont išgyventi, sekmie tik mažie.
Kovuojont iš paskutiniu mergaitē pavyka išvykti gyventi į Anglija, kor sulauki sāva paauglystis. Ties čia muona empatija pasikeiti į erzulį. Nuo šiuos dalėis stiprē pradieja erzinti anuos savybi – iškelti savi aukščiau kitų, vėin dėl tuo kon ištvieri. Nesigynčiju, anuos gyvenima mažā kas atlaikytu, bet tas nesuteik teisis būti nedėkyngā.
A nedėkingoms gali sukelti empatija?
Skaityti ontra knygas dali bova sudėtynga dėl erzulia. Nors asmenybi įkviep sāva sūnkiu darbu i nepasidavimu, bet tas nedėkingoms i sāvis iškelėms sumažėn empatiškoma anuos iškestām gyvenimou. Susidari vaizds, ka patyrus vaikystie skausma i sunku gyvenima, nes pati nusprėndi pabiegti iš numū, jau gāli sau leisti elgtėis ,,naglā“.
Kap i miniejau, anuos gyvenėms bova tikrā nelėngvas, bet iš kituos posis, didžiuoji dalis sunkumu knyguo prasidieja anā pačē nusprendus pabiegti iš tėvū numū. Noriejusi gyventi lėngva gyvenima, bova nepatėnkynta ka reik prisidieti pri buitėis. Anuos gimtuo šaly nėi vėinām nier lėngva gyventi, tad keista kap tikiejuos kituokia scenarijaus.
Praleista pagrindėni esmie.
Visuos knygas esmie turieja būti Afrikas muoterū teisis i paprotys, katruo metu žaluo mergaičiu lytinius uorganus. Tačiau tuom temuom skyri vos kelis puslapius, per katrus nespiejau suprasti tėkra išgyvēnta jausma. Skaitydama tik galiejau maždaug įsivaizduoti, kon reišk būti paniekināma priš tompont muoterim.
Gaila ka šiuos temas bova paliestas prabėguom, ypač kap autuori paskėrta Jungtiniu Tautų Organizacijas būti ambasaduori Afrikas muoterū teisiems gynti. Turiedama galimybi kalbieti tarp puslapiu, anon minkā išnauduoja.
Galutinis žuodis api knyga.
Knyga įtrauk, bet nepalėikt wow efekta, bint muon. Džiaugūs ka perskaičiau api muoterū patyriamus vargus, tas leid prapliesti mąstyma, sužinuoti kas vykst kitam pasaulia krašti, bet ontra karta kaži a įmčiau į ronkas šiuos autuoris knyga. Trūka smulkiū detaliu, katruos įtrauktu. Noriejuos daugiau žadieta turinia api teisis i muoteru patyrimus.
Leidėjas: leidykla ,,Alma Littera”
Leidimo metai: 2022
Puslapiai: 256
