Mūsu kūns tor tuokius pat sezuonus kap i gāmta. Mes turēm pavasari – katram pražystām įvairiausiu spalvų raštās, o kūns nespie gaudyti pasiilgtū saulis spinduliū. Vāsara – kor visks šėlta i nerūpestynga, kor gali pasileisti plaukus i miegautėis šėltu lietum, kryntončiu unt žundū. Rudeni – kap kūns jau traukās i prāded savi šėldyti, numesdāms lapus, i apsigaubdams šėltu pledu pri židiniaus. Žėima – kor užmyngām ėlgu mėigu, lyg mēškas sāva oluos, sulėtiejēm taupydami energija iki pavāsaria.
Api kon yr knyga?
Žiemuojimi Katherine May rāša api mūsų kūna i dvāsias būvi šaltouju sezuonu. Ne vėins esām pajautėin, kap atviesus uorou, kūns sustyngst i sulėtie. Daugelis stėngās vėngti tuo jausma apsišarvuodami neigimu i krūva enerija stimuliuojančiu preparātu. Tik paslaptis ta, ka žėimas mėigu užmyng ne tik kūns, bet i emuocijas. Kap su tou būti nesmerkont sāvis?
Autuori visas paslaptis api kūna pripratinėma pri šalčia aprāša per sāva asmenėni patirti. Nu keliuoniu į šalčiu kvepoujončias šalis iki įpročia išsiugdyma žeimuos metu. Knygas puslapiūs atsivēr žmogaus keliuoni, kor palengva kūns su dvasia susibičiuliaun su šalčia jausmu.
Pasiruošėms žėima – svarbu!
Gamtuo gyvūnā žėimuos mėigou ruošās jau nu vāsaras. Autuori siūla mums paimti pavyzdi iš anū. Pasiruošus daug lingviau galēm ištverti ateinonti šalti. Uns nebier netikiets, nelaukiams svetys. Jou lab, juk žėima atein kivėinās metās.
Kap knyguo rāša, tėi kas gyvenām šaltam klimati, turēm susidraugauti su šalčiu. Tik anuo nebijont i įsileidont į vėdu, mes galēm turinyngā pragyventi žėima. Kap ton daryti, Katherine aprāša galimus variantus per sāva išbandymus.
Autuori kalb per sāva pātirti, kumet patyrusi jaunystie depresija, suaugusi išmuoka sezuonini atkritėma priimti kap natūralu reiškini. Kikvėina rudeni pradedonti tam ruoštėis, o atėjus šalčiou, anon pasitėkti be baimis.
Kam patiks knyga?
Jautri knyga api kasdėini procesa, katruo nenuorām įsileisti. Besispyriuodami išeikvuojam energija, katron panauduotumiem draugystie su sāvis priimimu, tėik liūdnu, tėik žydinčiu. Šėlta knyga api žvarbu sezuona, su daug naudyngu patarimu i minčių.
Savi ras knyguo tas skaitytuos, katras kikvėina rudeni pajaut ateinonti žėima sāva kūnu i mintym, katras romantizou api speiga keliama gruoži. Vienareikšmiškā teksts palies bėjonti šalčia i biegonti nu anuo. Tiku ka kikvėins perskaitis šion knyga, išsineš daleli mintėis, api žėimiška gyvenima.
Leidėjas: Leidykla ,,Alma Littera”
Leidimo metai: 2021
Puslapiai: 240
