Jane Austen ,,Įtikinėjimas”

Klasikas romanā tor sāva žavesi, kor veiksmas vykst diduomenis socialiniam sluoksny, o istuorijas spalvas suterštintas su naivumu i aistra. Kor atruoda nier liudnū baigčiū, o likimā neš vėin tik džiaugsma.

Tik geriau įsiskaičius istuorijas pastebi, ka muoteru padietis nebova tuoki žavi. Socialinis nuostatas turieja dvigubus standartus, katrėi švelnesni bova vyrams. Žmogaus teisis bova sutelktas į stėpriaja lyti, o žāvias dāmas gymdi i augėna vākus.

Kon rāsi knyguo?

Pagrindėni knygas veikieja Ana jau skaities senmergi sava aplinkuo. Būdama 28-erių netekiejusi, neturynti sužadietinia i net širdėis drauga, sāva kasdienybi dalinuos su savim. Būdama jauna naïve patikieja, jog anuos tikra meili anā per prasta, negalynti anuos aprūpinti, tad tēka nutraukti sužadietuvis.

Jauns naivoms i patikloms vyresnēs atvedi i liūdesi, i vienišas dėinas. Nekāp nepamėršdama mylieta vyra, neleida sau sutėkti kėta. Vi keikdamuosi už netynkama sprindėma, spalčia skaiti laikraščius, noriedama žinuoti, kap givēn vienyntelis myliets vyrs. Šyrdgela liejuos per kraštus jau visus aštounis metus.

Romānu likėma vyngis.

Likėms yr smagus draugs, katras sugražėna Anā mylimaji į anuos kasdėinybi. Išsigondusi, apymta giedas, baimis, bet tou pačiu i meilis, vėngi anuo visuom išgaliem. Či viel likėms papokštāva i anus suvedi į vėina vėita, kor galiausē susitėkus akiū žvylgsnēms meili suliepsnuoja per nauja.

Kas lėmta, tas įvyks unkščiau a vėliau. Nesvarbu kėik įtikiniejimu iš aplinkuos bus, prėštaraujončiu nuorimam priimti sprindimou. Nors i kėls baimi dėl priėmėma stokuos, tačiau meili tep lingvā neiškeliaus. Knygas siužets galiause užsibaigi laimynga meili, katra atlaiki visus netynkamus įtikiniejimus.

Jei knyga patiks, yr i fylms.

Knyguo aprašuoma graži i lynksma istuorija api meili, katra neužgēsa net per ėlgus metus. Netrūkst skirtyngu veikieju charakteriu, katrėi papėlda knygas įvairuovi, o anus stebieti nuorās nuolatuos.

Jei knyga patiks, tai fylms susižiūries dā smagiau. Netflix yr pastātis šiuos knygas fylma, katras žiūras su laba gera emuocija. Pati jau mačiau kelis kartus anon i tikra ne paskutinius. Bet kap visada, pėrma geriau perskaityti knyga i tik po tuo žiūrieti fylma.