Gyventi neturynt ne tik žuodžia laisvis, bet i veiksmū pasirinkėma yr pragariška. Kap užprogramouts ruobots privalā su minia paklosti valdžē, katra nuor visus valdyti. Jevgenij Nikolajev nenorieja paklosti kitym, megėna laikytėis sāva pryncipu i isitikinimu. Žmogaus laisva valia troka neilgā. Api priverstini megėnima grāžynti į socialini bonda, rāša autuorius sāva knyguo.
Kas nutynk nepalaikont politinia judiejima?
Dėrbdāms muokslu laboratuorijuo, Jevgenij nikada nesikėša į politika. Užsiiemi sāva tyrimās i ramē gyvēna eilinia piliečia gyvenima. Tačiau, vėinām bindradarbiou nesvietiškā užkliova anuo neprisijungėms pri partiniu susirinkimu. Autuorius dā nežinuoja, ka nepalaikont sistemas, visi valdžiuos uorganā atsysuk priš tavi. Tep nutėka i anam.
Už nuora nepolitikouti, gāva dešimt mētu psichiatru i KGB persekiuojima. Psichiškā sveika žmuogu paverti nepakaltinamu i uždari į dā baisiesni kaliejima – psichiatrijas skyriu, kor ne tik taiki psicholuogini smorta, bet i nuodijėma vaistās.
Gyvenėms priklausont nu psichiatrijas liguoniniu.
Karta pakliovus į psichiatrijas liguoniniu akirati, kelia atgal nebie. Įskaituo atsiradusi pavardie automatiškā tomp sistemas prižiūrima. Išėjus iš liguoninis kas savaiti tor žmuogus prisistatyti patikrā, atsakiniejont į durniausius klausimus, nesusijusius su medicina.
Po ontra atsigulėma į psichiatrini liguonini, autuorius išsiaiškina, ka yr nerašyta taisykli: kikvėins sekontis atsigulėms į stacionāra, tor būti ilgiesnis už praėjusi. Pasiruoda, ši taisykli ne pramans. Kikvėinas autoriaus ,,atuostogas“ bova vis ilgesnis, su didesniu biurokratiniu debilizmu i sunkesniu išėjimu į laisvi.
Būnont numūs laisvi bova maža. Jei ne daktarū vizitā, tai KGB darbuotoju. Nulatuos sistemas pakalikā belzdava į duris ėiškuodami priežaščiū suimti sveika i nekalta žmuogu.
Knygas šalutinis puoveikis.
Knyga parėmta tikrās autoriaus prisiminimās, anuo ronka užfiksoutuom akimirkuom iš psichiatrijas klinikas tardimu, vieša žeminima i vaistų pompavima į organizma. Veiksmas troka dešimt metu, per katrus keista, kap nenūvedi iki išprotiejima.
Knyga įtrauk kaip viesols sāva veiksmu, nenuktrūkstamās dealuogu tardymās. Bet tor šalutini puoveiki – neišpasakytā kel nerva. Daruos pikta dėl valdžiuos viršenybis, kor žmuogus lėikt visiškā nesvarbus, lyg sraigts, katron gāl sukiuoti i mietyti kap nuor.
Knyga patiks kikvėinām istuorijas, medicinas a tėvū prisiminimu mėgiejou. Intrigoujončiu siužetu vedāms, nenoriesi paleisti anuos iš ronku.
Leidėjas: leidykla ,,Briedis”
Leidimo metai: 2023
Puslapiai: 384
