Politika ne muona stipriuoji posi. Realē domūs ana priš rinkimus i tai tik pavėršium, o po tuo nesivarginu veltėis į joudus žaidimus. Per daug painus i pėlni intrigu, muona emuocini sveikata neatlaika tokiū žiaurumu. Tačiau po šiuos knygas supratau, ka nesidomiedama labā daug praleidu.
Įžanga į knyga.
Džiaugūs ka turēm žurnalistikuo Birute Dovidonyte su Dovydu Pancerovu , katrėi atlėikt tyrimus mūsu svieti i iškēl klausimus į pavėršiu, api katrus verta pakalbieti. Ypač, spieju, kap didžiuoji dalis žmoniū yr tokėi kap aš – praleid viskon pro akis. Su didžiausiu užsispyrimu žurnalistā leiduos į keliuoni, katruo patyri daug daugiau nėi tikiejuos pradiedami vėrti vėsa kuoši.
Tiront įtartina versla desikapsti net iki pāčia, tuometėnia, Lietuvuos Respublikas Ministra Pirmininka Sauliaus Skvernelio. Pātis nesitikiedami turima tyrima medžiaga, nusprėndi ka straipsnis bus per mėnka tērpi atskleisti informacijē, tad nusprėndi rašyti knyga.
Knyga Kabinetas 339 pirmuoji anū žurnalistinia tyrima knyga, katra iškieli ne vėina klausima į pavyršiu. Pasirynkts rašyma stilius nu pat pirmū puslapiu įtrauk į siužeta nenoriedāms paleisti net skyriou pasibaiguo. Puslapis po puslapia, knyga atver vis didiesni intrigas smegdoubi, katruo nuorās nerti i nebišlysti. O pagrindinis tyrima istuorijas veikies Skvernelis, tik papėlda vėsa intriga sāva veiksmās i kalbuom.
Skaitont emuocijas liejēs per kraštus?
Nesliepsu, ka skaitont žundikaulis bova dažnā atvėpis iš nuostabas. Vis galvuojau katras či melou, kas kon dongsta, o kas čia labiausē nukintiejis. Įtakingu žmoniū tarpusavia ryšē tisiuog pynies kap vėlnas kamoliuks, katinou besidoudont su anou. Po kikvėina skyriaus vis kieliau klausima: kėik reik ,,patēpti“ dovanuom, ka ,,draugysti“ išlėktu stipri nenustuojus tardyti api padarytus, šalėis māsta, nusižingimus. Ronka runkeli plaun unt kikvėina ištārta žuodžia.
Bet bovusia LR ministra pirmininka sugebiejimā muni pritrėnki labiause. Priš perskaitont knyga turiejau kėik kituoki vaizdini, aišku nebova uns skaidrus, bet po knygas tas vaizdinys jouds kap velnias palėka. Išsivartima mēna i kolegu palikėma unt leda, geriausē gāli išmuokynti būtent Skvernielis. Net stebiejaus unt kėik anām gerā sekās spjauti į visus. Tuoks gaboms kieli labā dėdeli nuostaba.
Kam skiru knyga?
Skaitont knyga tuoks jausmas lyg žiūriečiau kuokia Netflix dokumėntika a anū pačiū tyrima, video formatu. Nebėja panauduoti daug smulkiū detāliu, katruos ne tik pagyvėn pasakuojima, bet i leid stripriau įsijausti į veiksma. Visks aišku, detalē pateikta, veiksmas netompuoms tam ka užpėldyti puslapius.
Šion knyga skiru daugeliou katrėi miegst dokumentikas, politinia žanra informacini strauta ar tym, katrėi tisiuog nuor sužinuoti kas dedās unt mūsu svieta. Istuorija skaituos lingvā, neapsunkėn informacijas srauts galvuos, bet tikrā privērt susimastyti, kon vis dėl tuo išsirenkām valdyti šāli.
Leidėjas: leidykla ,,Alma Littera”
Leidimo metai: 2020
Puslapiai: 352
