Ne visada pasaulis bova tuoks laisvas, kap šiuom dėinuom. Daugely pasaulia šaliū, muoteris tor pėlna laisvi igyti išsilāvinėma, sėikti karjeras, užsiimti miegiamu spuortu i garsē reikšti myntis.
1952 metās chemiki (pagrindėni knygas veikieja) Elizabetė Zot i vėsas tuometėnis muoterys neturieja daugelia šindėinas teisiu. Pagrindėni muoters pareiga bova būti numū šeiminynki, api karjera nebova net kalbuos.
Istuorijas pradžia.
Elizabetė užauga su visiškā atvirkščiu suvokimu, kas anon padari tikra kovuotoja vyru pasauly. Kol tievs bova užsiiemis žmoniū apgauduniejimu, o mama pasinierusi sāva reikalūs, anon palaiki i užaugėna bruolis. Suteikis Elizabete pasitikiejima, unkstėi pasitrauki iš gyvenima sāva nuoru.
Suaugusi sutėka sāva gyvenima meili Evansa, katras palaiki anuos nuorus i kituoki pasauli matyma. Evansas anon įtraukdava į vyriškas veiklas, žinuodāms, ka ana bus visym lygiaverti. Ne tik muoksla tyrimūs bova skatinama veikti, bet i spuorta šakuos, katruom tuo metu užsiimdava tik vyrā. Pripratusi pri kreivū žvilgsniu, Elizabetė miegavuos naujuom patirtym.
Meili troka neilgā.
Deja, likėms susikluosti tragiškā, Elizabetė tāpa vieniša mama turynti užaugynti i išlaikyti dokra. Per netikieta nelaimi, muoters gyvenima meili žova palikdams anā netikėčiausi duovana – dokra, įsitvėrtinusia anuos įsčiuos. Pasauly, kor muoteris netor balsa, būti vieniša mama yr beveik neįmanuoma. Papraščiausē, tai bova visuomenie nepriimtina.
Džiugu, ka Elizabete į visuomenis nuomoni bova nusispjauti. Užsispyrusi stengies atstovieti sāva pozicija, kap vienišuos mamuos i moters muokslinynkis. Kas dėin kamoujama gēdula, per sukostus dontis judieja į prieki. Dukra bova pagrindinis motyvatorius nepasiduoti patriarchatou.
Pagrindėni knygas myntis.
Knygas istuorija atskleid, kuoki gāli būti stipri muoters jiega, sėikont sāva vėitas po sauli. Įtraukonti knyga api feminizma i patriarchata galia. Gyvenima, katras ne visada būn gražus kap fylmūs. Kasdėinėni realybi nier nušlifouts dėimants, o knyga paruoda ton tėkra, sunkumu pėlna žmogaus kēlia.
Istuorija patiks tym, kas nuor romāna, bet ne tuo api nugludynta su sulaižytu scenarijum, o api muoteri, katra pati tor iškovuoti padėti visuomenie, dėl sāvis, sāva dukruos i visū muoteru aplynkou.
Leidėjas: Leidykla ,,Alma littera”
Išleidimo metai: 2022
Puslapiai: 416
